Kryetari i Lëvizjes “Besa” në Kërçovë u tërhoq nga funksioni

Kryetari i degës së Lëvizjes “Besa” në Kërçovë, Isein Ajdari, njoftoi përmes një deklaratë publike se jep dorëheqje nga posti i kryetarit të degës së kësaj partie në Kërçovë.

“Qytetarë të nderuar, pas njoftimit nga Kryesia qendrore e Lëvizjes Besa pas vendimit për riorganizimin e partisë në aspektin strukturor, duke filluar nga degët dhe nëndegët, me këtë mua si kryetar aktual të degës në Kërçovë më përfundon mandati” shkruan Ajdari.

“Falënderoj çdo kryetar të degës dhe udhëheqjen e degës që i kryen me kujdes të gjitha aktivitetet dhe detyrat që dalin nga dega në Kërçovë dhe unë si kryetari aktual i saj”, theksoi Ajdari.

Në të njëjtën kohë, ai shtoi se dëshiron që të gjitha premtimet e dhëna elektoratit dhe aktivistëve të tyre të bëhen realitet dhe Lëvizja Besa të duket si një parti moderne evropiane.

/ts