Kërçovë, SHMK “Drita” me njoftim deri te nxënësit për mbështetje financiare të njëfishtë

SHMK “Drita” në Kërçovë ka informuar se më së voni deri më 17 gusht nxënësit të cilët kanë mbi 16 vjet dhe janë nga familjet me të ardhura të ulëta, mund të aplikojnë për ndarje të mbështetjes financiare të njëfishtë në vlerë prej 3.000 denarë për blerje të materialit shkollor.

Në njoftim shpjegohet se mbështetja financiare për blerje të materialit shkollor u ndahen nxënësve të cilët janë shtetas të RMV-së, të regjistruar si nxënës të rregullt në shkollat e mesme publike në vend në vitin shkollor 2020/2021,

më të mëdhenj se 16 vjet nga dita e hyrjes në fuqi të këtij dekreti me fuqi ligjore dhe janë anëtarë të familjeve në të cilat të ardhurat mujore mesatare sipas të gjitha bazave për vitin 2019 nuk janë më të larta nga neto paga e paguar për punëtor në muajin mars të vitit 2020, të publikuar nga Enti shtetëror për statistikë, në pajtim me evidentimin e Drejtorisë për të Ardhura Publike.

www.digjitalizohu.mon.gov.mk

http://mon.gov.mk/content/?id=3270

/tv21