Kërçovë baltë e mjerim në lagjen “Prilepska” ! (VIDEO)

Rrugë të mbushura me ujë, baltë, shtëpi të vjetra, varfëri e mjerim në Lagjen “Prilepska” në Kërçovë.

Banorët e kësaj lagje i takojnë komunitetit rom, shtëpitë i kanë të ndërtuara rreth lumit dhe çdo vit ka pësojnë nga përmbytjet.

Në një shtëpi një apo dy dhomëshe jetojnë nga 10 persona. Autoritetet i vizitojnë vetëm para zgjedhjeve sa për t’ua marrë votën, thonë banorët.

Kërkesa e tyre e vetme është që tu shtrohet rruga me bekatona dhe tu sillet energji elektrike, sepse siç thonë, jetojnë si në mesjetë.

Ata ankohen se as fëmijët nuk ua pranojnë në shkollë sepse janë të papastruar dhe jo të veshur mirë.

Në këtë lagje në vitin 2018 ka pasur vërshime të mëdha ku Lumi i Zajazit doli nga shtrati dhe u vërshuan shumë shtëpi dhe baraka ku ata jetojnë. Mbi 800 persona mbetën pa kulm mbi kokë.

Ata thonë se për vërshimet kanë marrë nga 1000 denarë, edhe ato dikush i ka marrë e dikush jo sepse siç thanë, nga komuna ju kanë thënë se xhirollogarinë e kanë të bllokuar.

VIDEO:

/tv21