Syarta Saliju Osmani: Respektimi i gjuhës shqipe nuk duhet kërkuar, por zbatuar !

Syarta Saliju Osmani: Respektimi i gjuhës shqipe nuk duhet kërkuar, por zbatuar !

Këshilltarja në Këshillin e Komunës së Kërçovës, Syarta Saliju Osmani, ka reaguar sërish publikisht për mosrespektimin e gjuhës shqipe në komunikimin institucional.
Ajo ka ngritur shqetësimin për mungesën e gjuhës shqipe në prezantimet vizuale (slajdet) gjatë aktiviteteve që organizohen në sallën e Këshillit të Komunës së Kërçovës, duke kërkuar që në të ardhmen çdo material i tillë të jetë edhe në gjuhën shqipe, pavarësisht se kush e prezanton aktivitetin.


“JO ÇDO FTESË ËSHTË RESPEKT, sidomos kur shoqërohet me shpërfilljen e gjuhës së qytetarëve që përfaqësojmë!”, thekson Osmani.
Ajo i është drejtuar edhe kryetarit të Komunës, duke bërë të qartë se nuk mund të pritet pjesëmarrja e saj si përfaqësuese e qytetarëve shqiptarë në aktivitete ku gjuha e tyre mungon në komunikimin institucional.

Këshilltarja ka rikujtuar edhe një shqetësim të ngritur më herët në seancën e pyetjeve të këshilltarëve, lidhur me vendosjen e një pankarte vetëm në gjuhën maqedonase. Sipas saj, pas pyetjes së kryetarit se pse nuk ishte kërkuar edhe vendosja e saj në gjuhën shqipe, këtë kërkesë po e bën tash publikisht.


Mesazhi i saj është i qartë: **Gjuha shqipe nuk është privilegj dhe as kërkesë për mirësjellje, por pjesë e komunikimit institucional që duhet respektuar dhe zbatuar.*

/tvgurra

 




>