Kërçovë, katër të infektuar të rinj dhe pesë të shëruar nga Covid-19

Në Kërçovë sot janë regjistruar katër persona të rinj të infektuar me korona virus, ndërsa pesë të tjerë e kanë fituar betejën me këtë virus, tregojnë të dhënat e Ministrisë së Shëndetësisë, me çka numri i përgjithshëm i të infektuarve me Covid-19 në komunën e Kërçovës ka arritur në 109, nga të cilët 85 janë aktivë, 19 të shëruar dhe pesë të vdekur.

“Katër të infektuarit e rinj janë në gjendje të mirë shëndetësore dhe po mjekohen në kushte të shtëpisë nën kontroll të mjekëve të tyre amë dhe ata janë në izolim.

Për fat sot kemi pesë persona që e kanë fituar betejën me virusin”, deklaroi dr.Xhabir Bajrami, anëtar i Shtabit komunal të krizës në Kërçovë.

Ai apeloi te qytetarët t’u përmbahen rekomandimeve të dhëna nga institucionet kompetente shëndetësore.

/lajmpress