Kërçovarja Dr. Teuta Dalipi përfaqëson neurologjinë shqiptare në kongresin botëror Iaprd 2026 në Milano
Dr. Teuta Dalipi mori pjesë në Kongresin e 31-të Botëror për Sëmundjen e Parkinsonit dhe Çrregullimet e Ngjashme (IAPRD 2026), i cili u mbajt nga 11 deri më 14 nëntor 2026 në Milano të Italisë.
Ky kongres përbën një nga ngjarjet e rëndësishme shkencore ndërkombëtare në fushën e çrregullimeve të lëvizjes dhe sëmundjeve neurodegjenerative, duke bashkuar neurologë, studiues dhe ekspertë nga e gjithë bota për të prezantuar arritjet më të fundit në diagnostikim dhe trajtim.
Në këtë kongres, Dr. Teuta Dalipi prezantoi punimin shkencor me temë: **“Rapidly Progressive Young-Onset Atypical Parkinsonism Revealing CSF1R-Related Adult-Onset Leukoencephalopathy”.**
Punimi trajton një rast të rrallë dhe kompleks neurologjik, ku shfaqja në moshë të re e simptomave të ngjashme me sëmundjen e Parkinsonit dhe përparimi i shpejtë i tyre çuan drejt identifikimit të një sëmundjeje të rrallë gjenetike të trurit, të njohur si leukoencefalopatia e lidhur me gjenin CSF1R.
Pjesëmarrja dhe prezantimi i këtij punimi në një platformë të tillë ndërkombëtare përbëjnë një kontribut të rëndësishëm në shkëmbimin e përvojave profesionale dhe avancimin e njohurive shkencore në neurologji.
/tvgurra
>
