Një jetë në bankat e dijes, 33 vite përkushtim – kolektivi nderon profesoreshën Mujesere Aliu

Pas 33 vitesh përkushtim në arsim, profesoresha e gjuhës shqipe, Mujesere Aliu, u nderua sot nga kolektivi i gjimnazit me rastin e pensionimit të saj.
Në një atmosferë të mbushur me emocione dhe kujtime, të gjithë të punësuarit u mblodhën në një koktej të përbashkët, të organizuar si surprizë në shenjë falënderimi për kontributin e saj shumëvjeçar.

Për profesoreshën Mujasere Aliu, kjo ditë ishte veçanërisht emocionuese, pasi në mesin e kolegëve të saj sot ndodheshin edhe ish-nxënës të saj. Ata që dikur mësonin gjuhën shqipe në bankat e shkollës, sot janë pjesë e të njëjtit kolektiv.

Me fjalë mirënjohjeje, kujtime nga vitet e punës dhe momente emocionale, kolegët dhe ish-nxënësit e saj vlerësuan përkushtimin dhe kontributin e profesoreshës Mujasere Aliu në edukimin e shumë gjeneratave.

Një kapitull i gjatë profesional përfundon, por gjurmët e 33 viteve të punës së saj mbeten në brezat që ajo edukoi dhe në kujtesën e kolektivit me të cilin ndau një pjesë të rëndësishme të jetës.

/tvgurra