Zëvendësdrejtori Agim Sadiku vazhdon të investojë në dije, të rinjtë dhe të ardhmen!

Si një kompani me përgjegjësi shoqërore, SHA EMV edhe këtë vit vazhdon traditën e mbështetjes së studentëve më të mirë dhe më të talentuar, duke ndarë 23 bursa të reja për studentë nga katër universitete shtetërore në Maqedoni.

Bursat iu ndanë studentëve nga:
• Universiteti „Shën Kirili dhe Metodi“ – Shkup
• Universiteti „Goce Dellçev“ – Shtip
• Universiteti „Shën Klimenti i Ohrit“ – Manastir
• Universiteti i Tetovës

Bursat ua dorëzuan zëvendësdrejtori i përgjithshëm i SHA EMV-së, Agim Sadiku, drejtori për çështje juridike dhe të përgjithshme, Nikolla Gjoshevski, si dhe drejtori i REK Manastir, Ivan Kukovski. Me këtë rast, ata i uruan studentët dhe u dëshiruan suksese në arsimimin e mëtejshëm dhe zhvillimin e tyre profesional.

Mbështetja përfshin studentë nga fusha me rëndësi të veçantë për energjetikën dhe zhvillimin teknologjik: elektroteknikë, teknologji informative, inxhinieri mekanike, miniera, si dhe shkenca natyrore dhe teknike.

💡 Përmes kësaj praktike, të cilën SHA EMV e zbaton prej disa vitesh, jo vetëm që i ndihmojmë të rinjtë t’i realizojnë synimet e tyre akademike, por gjithashtu krijojmë mundësi për zhvillimin e tyre të mëtejshëm profesional, nëpërmjet punës praktike dhe mundësisë së punësimit në kompani.

Bursa arrin shumën prej 80.000 denarësh në vit, ndërsa mundësia e vazhdimit të saj në vitet e ardhshme akademike parashikohet në përputhje me përmbushjen e kritereve të përcaktuara.
Besojmë se investimi te të rinjtë dhe në kuadro cilësore inxhinierike është investim në të ardhmen e energjetikës maqedonase.

/ms