Sulm i rrezikshëm 40-vjeçari me thikë sulmon policët, njëri pëson plagë të rënda !

Sulm i rrezikshëm në Kumanovë: 40-vjeçari me thikë sulmon policët, njëri pëson plagë të rënda. Prokuroria Themelore Publike në Kumanovë ka nisur hetim ndaj një 40-vjeçari nga Kratova, i dyshuar se ka sulmuar me thikë dy pjesëtarë të policisë gjatë kryerjes së detyrës.

Ngjarja ka ndodhur më 11 shtator, kur policët ndërhynë për të parandaluar një vepër penale. Sipas Prokurorisë, dy zyrtarët përdorën forcë për të hapur derën e një dhome të mbyllur ku ndodhej i dyshuari.

Në momentin e ndërhyrjes, 40-vjeçari dyshohet se i ka sulmuar policët me thikë. Njëri prej tyre ka pësuar lëndime të rënda trupore, përfshirë një plagë shpuese dhe një prerje.

Për shkak të rrezikut të arratisjes dhe mundësisë së përsëritjes së veprës, prokurori publik ka kërkuar nga gjyqtari i procedurës paraprake caktimin e masës së paraburgimit. Rasti po hetohet për veprën penale “Sulm ndaj personit zyrtar gjatë kryerjes së detyrave të sigurisë”.

/lajmpress