A mund të përdoret Euro për pagesa në Zvicër si mendoni ?

Valuta zyrtare e Zvicrës është franga zvicerane (CHF), por në shumë hotele, restorante, dyqane dhe qendra tregtare pranohen edhe euro. Megjithatë, pagesa me euro zakonisht nuk është zgjedhja më e mirë, pasi kursi i këmbimit i vendosur nga tregtari mund të jetë më pak i favorshëm. Nëse paguani me euro në para të gatshme, kusuri zakonisht ju kthehet në franga zvicerane.

Për të kursyer, është më mirë të paguani direkt në franga zvicerane ose të tërhiqni CHF nga një bankomat. Kini kujdes me bankomatet që ofrojnë konvertim automatik të valutës (DCC), pasi mund të përfshijnë tarifa shtesë.

Edhe pse pagesat me kartë janë shumë të përhapura, paraja e gatshme vazhdon të përdoret gjerësisht në Zvicër. Prandaj, është mirë të mbani gjithmonë me vete disa franga zvicerane.

/albinfo