Kush i hedh gjith këto mbeturina në fshatrat e Kërçovës ?

Në rrjetet sociale po qarkullojnë fotografi dhe video të dërguara nga qytetarët, në të cilat, siç bëhet e ditur, shihen sasi të mëdha mbeturinash të hedhura në zonën pranë fshatrave Popojcë, Ivançishtë dhe Ehloec.

Sipas informacioneve nga qytetarët, në disa lokacione mbeturinat dyshohet se janë transportuar me mekanizim, ndërsa në disa vende janë bërë përpjekje që ato të mbulohen me dhe.

Para disa ditësh, një problem i ngjashëm ishte raportuar edhe në afërsi të fshatit Cër, ku, sipas banorëve, pas reagimit të shpejtë të tyre, mbeturinat ishin larguar.

Radio Aleksandar Makedonski – Kërçovë sqaron se aktualisht nuk ka mundësi që me ekipin e saj të dalë në të gjitha lokacionet e raportuara. Për këtë arsye, publikohen fotografitë e dërguara nga qytetarët, si informacion me interes publik, pa paragjykuar se kush është përgjegjës për hedhjen e mbeturinave.

Pyetja jonë për institucionet përgjegjëse është e thjeshtë:
Kush i ka sjellë mbeturinat dhe cili institucion është përgjegjës për të kontrolluar se çfarë po ndodh në këto lokacione?
Kjo nuk është çështje politike dhe nuk duhet të shndërrohet në përplasje politike. Kjo është çështje që lidhet me mjedisin, shëndetin e qytetarëve dhe pastërtinë e rajonit të Kërçovës.

Nëse institucionet përgjegjëse kanë informacione lidhur me këtë rast, jemi të hapur t’i publikojmë edhe përgjigjet e tyre, ashtu siç e kërkon informimi profesional dhe objektiv.
Radia A.M

/tvgurra