I denoncon në polici gjyshen dhe gjyshin e tij se i kishin vjedhur 3,5 milionë denarë

MPB Tetovë ka ngritur kallëzim penal ndaj 28-vjeçarit T.M. nga Tetova, për shkak të dyshimit se ka kryer veprën penale „kallëzim i rremë i veprës penale“, lidhur me një vjedhje të raportuar.

Sipas informacioneve nga MPB-ja, më 3 mars 2026, në SPB Tetovë, T.M. kishte raportuar në mënyrë të rreme se dy ditë më parë, më 1 mars, në shtëpinë e tij, gjyshi dhe gjyshja e tij i kishin marrë një shumë parash prej rreth 3.500.000 denarësh.

Pas masave të ndërmarra, policia konstatoi se bëhej fjalë për një kallëzim të rremë, pas së cilës ndaj 28-vjeçarit është ngritur kallëzim penal.

/ms