Dhurohet tokë vakëf për të mirën e komunitetit në Myftininë e Kërçovës

Myftiu i Myftinisë së Kërçovës, Qamil ef. Rushiti, i shoqeruar nga referenti Bajram ef. Karamaleski, mirëpriti në zyrën e Myftinisë z. Nurhan Jaoski, i shoqëruar nga imami i mirënjohur, h. Emin ef. Alija, imam në fshatin Çellopek të Kërçovës.

Në frymën e bamirësisë dhe përkushtimit ndaj vlerave islame, është realizuar dhurimi i një parcele toke si vakëf, me qëllim që ajo të shërbejë në të mirë të komunitetit dhe brezave të ardhshëm.

Ky akt fisnik i vakëfit paraqet një vepër të çmuar humanitare dhe fetare, e cila dëshmon përkushtimin ndaj fesë, komunitetit dhe ruajtjes së pasurisë vakëfnore. Vakëfi është një nga format më të bukura të sadakasë së vazhdueshme, ku dobia e tij vazhdon edhe pas jetës së dhuruesit.

Allahu e shpërbleftë z. Nurhanin për këtë vepër të mirë, ia pranoftë vakëfin dhe e bëftë këtë pasuri burim bereqeti dhe dobie për të gjithë!
“Çdo pasuri që jepet për hir të Allahut, Allahu e zëvendëson me më të mirë dhe e shumëfishon shpërblimin.”
Me respekt, Myftinia e BFI – Kërçovë

/ms