“Thesari që na Bashkon” – Edicioni IX fton bashkatdhetarët në një mbrëmje kushtuar historisë dhe traditës

Manifestimi tradicional “Thesari që na Bashkon” do të mbahet më 25 korrik 2026, duke filluar nga ora 19:00, në oborrin e shkollës së parë shqipe “Gjergj Kastrioti Skënderbeu” në Sërbicë.

Edicioni i nëntë synon të nderojë figurat që kanë kontribuar në ruajtjen e identitetit kombëtar, traditës dhe kulturës shqiptare.

Organizatorët bëjnë thirrje për pjesëmarrje të gjerë të bashkëfshatarëve, mërgimtarëve dhe dashamirësve të kulturës. Krahas programit kulturor e artistik, do të organizohet edhe Sofra Kastriotase, si simbol i mikpritjes, bashkimit dhe trashëgimisë sonë. Në këtë edicion do të shënohet edhe 100-vjetori i ekzistencës së shkollës, duke nderuar me mirënjohje kontribuuesit e saj ndër vite.

/tvgurra