Valbona Adili Emini: Kanalizimit në Zajaz figuron si i përfunduar që në vitin 2024 !

Sipas deklaratës së Ambasadorit të Bashkimit Evropian, Michalis Rokas, në evidencat e BE-së projekti i kanalizimit në Zajaz figuron si i përfunduar që në vitin 2024.
Ndërkohë, realiteti në terren flet ndryshe. Zajazi ende nuk ka rrjet funksional të kanalizimit.

Çfarë do të thotë kjo për qytetarët? Si mund të konsiderohet i përfunduar një projekt që nuk u ka sjellë shërbimin e premtuar banorëve?

Për më shumë se dy dekada, pushteti lokal dhe ai qendror u drejtuan nga BDI-ja. Qytetarët kanë të drejtë të kërkojnë përgjigje të qarta: ku mbeti projekti, pse nuk u realizua dhe kush mban përgjegjësi?

Qytetarët e Zajazit meritojnë transparencë, llogaridhënie dhe zgjidhje konkrete, jo projekte që figurojnë të përfunduara vetëm në dokumente.

Përgjegjësia matet me atë që u lë qytetarëve, jo me atë që u premtohet në çdo zgjedhje.
Shkruan deputetja Valbona Adili Emini në Facebook.

/ms