Kush është Dr. Arlind Sejdini, kryetari i Degës së BDI-së në Kërçovë?

Dr. Arlind Sejdini, i lindur në vitin 1984 në Kërçovë, vjen nga një familje intelektuale me traditë të gjatë në shërbim të qytetarëve. Babai i tij, Dr. Osmani, i ka kushtuar tërë jetën profesionit të mjekut dhe ndihmës ndaj pacientëve.

Shkollimin fillor dhe të mesëm e përfundoi në Kërçovë, ku u dallua si një ndër nxënësit më të mirë, si në mësime ashtu edhe në sport. Gjatë rinisë ishte futbollist i KF Vëllazërimit, duke dëshmuar përkushtim edhe në aktivitetet sportive.

Studimet universitare i kreu në Fakultetin e Mjekësisë në Shkup, ku u diplomua në vitin 2009. Në vitin 2016 përfundoi specializimin në degën e sëmundjeve të brendshme – internist, ndërsa në vitin 2022 përfundoi subspecializimin në kardiologji, duke fituar titullin e subspecialistit të kardiologjisë.

Që nga viti 2011 është i punësuar në Spitalin e Përgjithshëm të Kërçovës, në repartin e sëmundjeve të brendshme, ku vazhdon të ushtrojë profesionin e mjekut edhe sot.

Në opinionin publik, Dr. Arlind Sejdini njihet si një mjek i përkushtuar, njeri i afërt me qytetarët, familjar dhe shërbyes ndaj komunitetit, duke gëzuar respekt për angazhimin e tij profesional, shoqëror dhe njerëzor.

Angazhimin e tij në politikë e sheh si detyrë dhe përgjegjësi, e jo si privilegj. Si kryetar i Degës së BDI-së në Kërçovë, ai synon të ndërtojë një ekip të përbërë nga të rinj të përkushtuar dhe profesionistë, të cilët me ide të reja, punë dhe përgjegjësi do të kontribuojnë për ndryshime pozitive dhe zhvillimin e Kërçovës.

/tvgurra