Fatmir Dehari me apel deri te qytetarët të respektohen masat
Nga 115 rastet e reja me Kovid-19 në vend, katër janë nga Kërçova, ndërsa tre pacientë nga ky qytet janë shëruar.
Me katër të infektuarit e rinj nga virusi, numri total në komunën e Kërçovës është rritur në 48.
Nga ky numër 39 janë raste aktive, tetë qytetarë janë shëruar, derisa një person ka vdekur.
Të infektuarit e rinj janë persona nga klasterë të njohur, ndërsa për shkak të pasqyrës së lehtë klinike pjesa më e madhe gjenden në mjekim shtëpiak dhe izolim të plotë, derisa një numër i vogël janë në Repartin infektiv në Manastir.
“Për fat sot kemi edhe tre të shëruar, e shfrytëzoj mundësinë edhe një herë të apeloj deri te qytetarët të respektohen masat për mbrojtje nga ana e tyre”, ka thënë kryetari i Kërçovës, Fatmir Dehari i cili njëherësh është edhe kryetar i Shtabit të krizës nga komuna e Kërçovës.
/shenja.tv
