Kërçovari Isa Spahiu renditet ndër 10 shkencëtarët më të cituar në shkencat humane në Maqedoninë e Veriut
Profesori universitar, Isa Spahiu, është vlerësuar nga organizata Academic Ranking of Balkan Universities me një certifikatë të veçantë, duke u renditur ndër 10 shkencëtarët hulumtues më të cituar në fushën e shkencave humane në Maqedoninë e Veriut.
Lajmin e bëri të ditur vetë Spahiu përmes një njoftimi publik, ku shprehu mirënjohjen për këtë vlerësim dhe falënderoi familjen, kolegët, bashkëpunëtorët dhe studentët për mbështetjen e vazhdueshme gjatë karrierës së tij akademike.
Ai theksoi se ky vlerësim paraqet një motivim shtesë për të vazhduar angazhimin në kërkimin shkencor dhe për të kontribuar në avancimin e Universiteti i Tetovës, si dhe të arsimit të lartë në vend. Sipas tij, arritje të tilla janë dëshmi e përkushtimit ndaj punës shkencore dhe promovimit të dijes në shoqëri.
/tvgurra
