Fatmir Limani: Investimet në projektet infrastrukturore janë investime për një cilësi më të mirë jetese për qytetarët tanë

Sot në Kërçovë, së bashku me Kryeministrin Hristijan Mickoski, kryetarin e komunës Jovanovski, kolegë nga Qeveria, deputetë dhe përfaqësues të institucioneve, patëm mundësinë t’i shohim nga afër punët tona.

🤝Së bashku realizuam inspektimin e sallës sportive “Jançica”, e cila është tërësisht e rikonstruktuar dhe e gatshme për përdorim nga të rinjtë, klubet sportive dhe qytetarët e tjerë.

🗣️Është kënaqësi të shihet se qytetarët e Kërçovës sot e përdorin një nga arteriet më të rëndësishme të komunikacionit në qytet, rrugën “Marshall Tito”, plotësisht të rinovuar, duke përfituar kështu kushte më të mira për lëvizje të sigurt dhe të pandërprerë.
Nuk janë lënë anash as fshatrat, kështu që fshati Srbicë po fiton dy degë të reja rrugore.

➡️Kërçova po merr një pamje moderne, ashtu siç e meritojnë banorët e saj.
Projektet infrastrukturore që vizituam sot, në pjesën më të madhe financohen me mjete nga kredia hungareze, ndërsa një pjesë nga vetëqeverisja lokale.

➡️Me përkushtim të vërtetë, rezultatet janë të pashmangshme – bashkëpunimi ndërmjet pushtetit qendror dhe atij lokal sjell rezultate.

✅Investimet si këto kontribuojnë drejtpërdrejt për një jetë më të mirë dhe më moderne për qytetarët, e veçanërisht për të rinjtë, të cilët janë bartësit e zhvillimit të ardhshëm dhe shtytësit e ndryshimeve pozitive shoqërore.

/ms