VLEN pa ndikim real? Limani mbetet ministër dhe me. një këshilltar, ndërsa ndryshimet mungojnë edhe në Kërçovë

Në nivel qendror dhe lokal, koalicioni VLEN po përballet me pikëpyetje serioze mbi fuqinë e tij reale politike dhe ndikimin nëg vendimmarrje.

Edhe pse ministri Fatmir Limani ka deklaruar publikisht se prej kohësh nuk është më pjesë e VLEN-it, ai vazhdon të mbetet pjesë e qeverisë, duke nxitur debate nëse koalicioni ka kapacitet real për të kërkuar interpelancë apo për të kërkuar largimin e tij nga kabineti qeveritar.

Analistët politikë vlerësojnë se mbështetja e kryeministrit Hristijan Mickoski ndaj Limanit e bën edhe më të vështirë çdo lëvizje të mundshme të VLEN-it, duke ngritur dilema mbi peshën e këtij koalicioni brenda ekzekutivit dhe aftësinë e tij për të ndikuar në vendime të rëndësishme.

Edhe në planin lokal, situata në Kërçovë mbetet e paqartë. Ndryshimet e paralajmëruara në përbërjen e Këshillit Komunal ende nuk janë materializuar, ndërsa përfaqësimi i Limanit në nivel lokal mbetet i kufizuar me vetëm një këshilltar. Në këtë kontekst, VMRO-DPMNE shihet se ruan pozicione dhe balanca politike, ndërsa VLEN ende nuk ka arritur të konsolidojë ndikim të dukshëm në terren.

/tvgurra