Klubi Bjeshkatar Tetova realizuan shetitje në fshatrat e Kërçovës

🏔️ Ecje në majën Ujëmiri – 2061 mld
📍 Papradishtë – Qafë – Ujëmiri | Kërçovë
📅 26 prill 2026
Sot, Klubi Bjeshkatar Tetova realizoi një ecje të bukur dhe miqësore në rajonin e Kërçovës, me pjesëmarrjen e 20 bjeshkatarëve tanë.

🤝 Nikoqirë të kësaj dite ishin miqtë tanë nga KB Uskana – Kërçovë, të cilët na pritën me shumë respekt, bujari dhe zemër të hapur.
🚶‍♂️ Ecja filloi nga fshati Papradishtë, ndërsa gjatë rrugës u ndalëm edhe në fshatin Qafë, ku bëmë një fotografi të përbashkët para përmendores së Sulltanës.
☕ Në restorantin lokal në fshatin Qafë, nikoqirët tanë na gostitën me kafe, duke e bërë fillimin e ditës edhe më të ngrohtë e më miqësor.

⛰️ Më pas vazhduam ecjen drejt majës Ujëmiri, në lartësi mbidetare 2061 m. Në maje patëm kohë për pushim, ushqim, biseda, batuta dhe kënaqësi të përbashkët në natyrë.
💧 Gjatë kthimit, u drejtuam edhe kah kroi / burimi i Ujëmirit, nga i cili kjo maje e bukur e ka marrë edhe emrin.

🍽️ Pas ecjes, në restorantin “Driloni” në fshatin Qafë, nikoqirët na shtruan një drekë tradicionale kërçovare: byrek me groshë dhe dhallë. Një mikpritje jashtëzakonisht bujare, e sinqertë dhe vërtet për t’u mbajtur mend.

🙏 Klubi Bjeshkatar Tetova shpreh falënderim të veçantë për anëtarët e KB Uskana:
Lulzim Mehmedi, Qerim Halili, Ilmi Spahiu, Selim Alimi, Adem Sejdini dhe Lari Dani, për organizimin, shoqërinë dhe respektin e treguar gjatë gjithë ditës.

🌿 Një ditë e bukur në mal, me ecje, miqësi, traditë dhe bashkëpunim mes klubeve bjeshkatare.
💚 Faleminderit KB Uskana – Kërçovë!
🥾 Mirupafshim në ecjet e radhës!

/ms