Kërçova nderon poetin Begzat Rrahmani përmes një aktiviteti kulturor

“Jeta dhe veprimtaria letrare e poetit Begzat Rrahmani”, e organizuar si projekt në kuadër të manifestimit Kërçova Qytet i Kulturës 2026, nën udhëheqjen e profesoreshave Leonora Asani dhe Gëzime Baftiri, u shëndrrua në një aktivitet të veçantë kulturor që mblodhi familjarë, miq dhe dashamirës të poetit Begzat Rrahmani.

Programi u prezantua me përkushtim nga nxënësit e Gjimnazit “Drita” Kërçovë, si dhe nga mbesat dhe nipërit e poetit, duke i dhënë ngjarjes një dimension të ngrohtë dhe familjar. Përmes recitimeve, kujtimeve dhe interpretimeve artistike, u soll në vëmendje jeta dhe krijimtaria e tij e pasur letrare.

Ky aktivitet u karakterizua nga emocione të forta, respekt dhe vlerësim të thellë për figurën e poetit, duke dëshmuar se trashëgimia e tij vazhdon të jetojë dhe të frymëzojë brezat e rinj.

/tvgurra