5 vite pa mësuesin tonë të dashur Agim Imeri!

14 prilli i vitit 2021 do të mbahet mend si ditë shumë e rëndë për kolegët, shokët dhe familjarët e Tu, i dashur mësues i imi dhe i shumë gjeneratave që mësove dhe edukove.
Mësues Agim Imeri (23.06.1963-14.04.2021)
Në mëngjesin e ditës së mërkurë, të datës: 14.04.2021 morrëm një lajm të dhimbshëm për ndarjen fizike nga jeta e kësaj bote të mikut, familjarit, punëtorit dhe mësuesit tim të dashur Agim Imeri.

Padyshim se çdo ndarje është e rëndë dhe sidomos dhimbja dhe mërzia shtohet kur ndodh befas, pa pritur dhe në moshë jo të shtyer.
Agim Imeri u lind më 23 qershor më vitin 1963 në Kërçovë.
Shkollimin fillor e kreu me sukses në qytet. Për të vazhduar shkollimin e mesëm në vitin e parë në Gjimnazin e Kërçovës dhe pastaj vazhdoi dhe e mbaroi në Shkup.
Më pastaj regjistrohet në Shkollën e Lartë Pedagogjike pranë Universitetit të Shkupit në degën e mësimit klasor dhe merr titullin Arsimtar i Mësimit Klasor.

Nga data: 19.03.1986 punësohet në Shkollën Fillore Qendrore “Milto Gurra” ku me nder dhe dinjitet vazhdon të punoj deri në frymën e tij të fundit.
Mësues Agim Imerin e gjen prijatar, thuajse në të gjitha nismat dhe aktivitetet politike, shoqërore dhe humane me qëllimin shumë fisnik për të avansuar dhe për të pragmatizuar të drejtat dhe kërkesat e kombit tonë për të jetuar me dinjitet dhe me mirëqenie më të mirë sociale.

Përveç kësaj përgjegjësie mësues Agimi, krahas punës që bënte në shkollë me nxënësit duke edukuar dhe mësuar breza dhe gjenerata të shumta do ta gjejmë aktiv edhe në bashësinë vendore të qytetit në Balla Mëhalla në Kërçovë duke dhënë kontributin modest por të pa kursyer.

Në mesin e shoqërisë që e njohën nga afër, mungojnë senset e humorit që bënte shpesh me shokë dhe kolegë në ndeje të ndryshme ose në ndonjë udhëtim apo shëtitje. Kujtimi për të do të jetë gjatë kohë në vëmendjen tonë duke respektuar veprën e tij.

All-llahu të mëshiroftë dhe të shpërbleftë me mirësitë e Tij të pakufishme …. Mësues Agim..!
Të dhuroftë Xhennetin, vend-prehjen e përjetshme.
Nxënësi i Juaj,
Kujtim Kasami