Drejtori I shkollës nga Nju Jorku viziton shkollën “Rexhë Rushit Zajazi”

Shkolla fillore “Rexhë Rushit Zajazi” në Zajaz priti një vizitë të veçantë nga drejtori i shkollës “Learners & Leaders P.S. 305” nga Nju Jorku, z. Kalosh Dalipi. Ai u mirëprit nga drejtori i shkollës, Naser Ismaili, së bashku me stafin arsimor.

Gjatë vizitës, u zhvilluan diskutime të frytshme lidhur me procesin arsimor, sfidat dhe mundësitë për avancimin e cilësisë në arsim. Drejtori Dalipi vlerësoi angazhimin dhe përkushtimin e stafit të shkollës, duke theksuar rëndësinë e vazhdimit të punës me përkushtim dhe profesionalizëm.

Vizita u cilësua si një moment i rëndësishëm për shkollën, duke shërbyer si motivim shtesë për nxënësit dhe mësimdhënësit, si dhe duke forcuar urat e bashkëpunimit për projekte të ardhshme në fushën e arsimit.

/tvgurra