Mungesa e transportit pengon nxënësit e SHMK “Drita” të ndjekin mësimin në gjimnaz

Prindërit kanë ngritur shqetësimin për mungesën e transportit të rregullt për nxënësit e SHMK “Drita” që vijojnë mësimin në gjimnaz. Sipas tyre, për disa ditë me radhë, një numër i konsiderueshëm nxënësish nuk kanë arritur të ndjekin procesin mësimor.

Problemi, siç theksojnë prindërit, qëndron te transportuesi, i cili nuk i merr nxënësit në pikat e caktuara, por i lë ata në distanca të largëta nga vendbanimet apo shkollat, duke e bërë të pamundur vijimin e rregullt të mësimit.

Ata kërkojnë që komuna të reagojë sa më shpejt, pasi sigurimi i transportit për nxënësit është obligim institucional dhe një e drejtë bazë për arsimim.

Situata paraqitet më problematike në zonat e Shutovës së Premkës dhe në Zajaz, ku janë raportuar ankesa të shumta nga prindër dhe nxënës.

Prindërit apelojnë për zgjidhje urgjente nga institucionet përkatëse, duke theksuar se mungesa e transportit po ndikon drejtpërdrejt në vijimin dhe cilësinë e edukimit të fëmijëve të tyre.

/tvgurra