Komunalec Kërçovë: Mos i mbushni kontenjerët me dhe !

NPK Komunalec informon se në disa raste janë gjetur kontejnerë plot me dhe dhe mbeturina ndërtimi, gjë që përbën një problem serioz për mbledhjen e rregullt të mbeturinave.

Mbetjet e tilla nuk i përkasin mbeturinave komunale dhe mund të shkaktojnë keqfunksionime të pajisjeve, duke përfshirë bllokimin e makinës së presës.
U bëjmë thirrje të gjithë qytetarëve të tregojnë më shumë përgjegjësi dhe të asgjësojnë mbeturinat në një mënyrë të përshtatshme.

Dheu, mbeturinat dhe materialet e tjera të ndërtimit nuk i përkasin kontejnerëve.
Me kujdes të ndërsjellë dhe respekt të rregullave, ne mund të kontribuojmë për një mjedis më të pastër dhe më të rregullt.

/ms