Komunat presin zgjidhje për mbeturinat sidomos Kërçova

Deponia në Novac të Manastirit do të jetë shpëtim për Komunat e rajonit jugperëndimor, të cilat përballen me problemin e vendgrumbullimit. Së fundmi probleme me menaxhimin me mbeturinat hasi edhe kryetari Komunës së Kërçovës Aleksandar Jovanovski i cili u përballe me protesta nga banorët. Ai madje i kërkoi Ministrisë së Mjedisit t’ia merr kompetencat Komunës dhe të menaxhojnë me mbetjet. Ndërkaq për deponinë në Novac tha Komuna e Kërçovës nuk ka qenë e kyçur.

“Ministria e mjedisit jetësor dhe planifikimit hapësinor ka përgatitur projektin para disa vitesh ku e kam patjetër ta them se komuna e Kërçovës nuk ka qenë e kyçur nuk e di për çfarë arsye dhe nuk ju ka siguruar as lokacion për stacion ngarkim-shkarkimi, sepse sipas ligjit, deponi do të ketë vetëm një në rajonin Jugperëndimor dhe ajo është në Novaci në Manastir, në Kërçovë nuk do te kemi mbeturina vetëm stacion për ngarkim shkarkimi dhe dërgimi në deponinë rajonale”, deklaroi kryetari i Komunës së Kërçovës, Aleksandër Jovanovski.

Ministri i mjedisit jetësor dhe planifikimit hapësinor Muamet Hoxha tha se kanë filluar me fazën e parë të realizimit të projektit, dhënia e pajisjeve teknike.
“Vazhdova me realizimin e një nga projekteve më të mëdha që parasheh ndërtimin e qendrave rajonale për grumbullimin e mbeturinave. Komuna e Strugës është pjesë e rajonit të Pellagonisë dhe Jugperëndimor ku qendra rajonale për grumbullimin e mbeturinave do të jetë në Novaci dhe veç më kemi filluar edhe me realizimin e fazës së parë që parasheh edhe shpërndarja apo dhënia e pajisjeve teknike për komunat të cilat gravitojnë në këto dy zona”, u shpreh ministri i Mjedisit Jetësor, Muhamet Hoxha.

Deponia që përbën problem të madh është deponia Bukovo në Ohër – e vjetër 5 dekada. Disa herë organizatat për mbrojtjen e ambientit kanë kërkuar mbylljen e saj, por deri më tani nuk ka asnjë zgjidhje.

/zhurnal