Homazh për historianin dhe studiuesin e shquar shqiptar Prof. Dr. Halim Purellku!

Ai ishte një personalitet që i kushtoi jetën studimit dhe ndriçimit të historisë sonë kombëtare.
I lindur në Kërçovë në vitin 1952, Prof. Purellku i përkiste brezit të intelektualëve që me përkushtim dhe punë shkencore kontribuan në ruajtjen dhe dokumentimin e historisë së shqiptarëve.

Ai kreu studimet e historisë në Universitetin e Prishtinës dhe doktoroi në Universitetin e Tiranës, duke dhënë më pas kontribut të çmuar si profesor dhe ligjërues në arsimin e mesëm dhe universitar, veçanërisht në Universitetin e Tetovës.

Përmes dhjetëra studimeve, artikujve dhe monografive shkencore, ai la një trashëgimi të pasur akademike dhe një kontribut të rëndësishëm në historiografinë shqiptare, duke ndriçuar periudha të rëndësishme të historisë së shqiptarëve.

Ndarja e tij nga jeta është humbje e madhe për botën akademike dhe për gjithë ata që vlerësojnë dijen, historinë dhe identitetin kombëtar. Emri dhe vepra e Prof. Dr. Halim Purellkut do të mbeten pjesë e rëndësishme e kujtesës sonë intelektuale dhe kombëtare. U prehtë në paqe. Shkruan deputetja Valbona Adili Emini në facebook.

/ms