Tv Gurra: Limani me mesazhe të koduara për liderët e VLEN-it: “Çmimi i sinqeritetit”

Ministri Fatmir Limani ka vijuar me mesazhe të koduara drejtuar krerëve të VLEN, duke lënë të kuptohet se raportet mes tij dhe drejtuesve të koalicionit janë thellësisht të krisura.
Në një postim të ri në rrjetet sociale, Limani duket se u kujton ish-partnerëve se ai që “ua hapi derën” për në qeveri, mund edhe “t’ua mbyllë” atë.

Postimi, i titulluar
“Ç’MIMI I SINQERITETIT!”,
përçon një dialog ironik:
“Rrini urtë, bre…”
“Jo, s’rrijmë!”
“Rrini urtë…”
“Jo, se jemi të fortë!”
“Ani… rrini, pra, pas dere. ;)”
“Harruat kush u solli Doruntinën…”
F. B. L.

Referenca ndaj “Doruntinës” shihet si metaforë simbolike, që nënkupton rolin e tij në afrimin apo bashkimin politik që i mundësoi VLEN-it hyrjen në pushtet.
Duhet theksuar se si Fatmir Limani, ashtu edhe Arben Taravari, ishin ndër figurat që iu bashkuan VLEN-it me narrativën për një “mundësi ndryshe” në skenën politike shqiptare.

Megjithatë, zhvillimet e fundit sugjerojnë se të dy janë të zhgënjyer me mënyrën e funksionimit të brendshëm të koalicionit dhe, sipas tyre, me mungesën e mirënjohjes politike.

/tvgurra