Komuna e Kërçovës forcon bashkpunimin me Shqipërinë

📢 U mbajt Forumi për rrjetëzimin e partnerëve në kuadër të Programit të Bashkëpunimit Ndërkufitar Shqipëri – Maqedonia e Veriut (IPA II) 🇲🇰🤝🇦🇱
Komuna e Kërçovës informon se u mbajt Forumi për rrjetëzimin e partnerëve, i dedikuar për lidhjen e aplikantëve potencialë dhe forcimin e bashkëpunimit në kuadër të Programit të Bashkëpunimit Ndërkufitar ndërmjet Shqipërisë dhe Maqedonisë së Veriut, me fokus në realizimin e suksesshëm të projekteve të financuara përmes IPA II.

Në forum morën pjesë subjekte të interesuara nga Rajoni Jugperëndimor, Rajoni i Pelagonisë, si dhe nga Rajoni i Korçës, me qëllim shkëmbimin e ideve, krijimin e partneriteteve dhe përgatitjen e iniciativave cilësore projektore me interes të përbashkët.

Në këtë aktivitet mori pjesë edhe Kryetari i Komunës së Kërçovës, i cili theksoi rëndësinë e bashkëpunimit ndërkufitar si mundësi për zhvillim, përmirësim të shërbimeve lokale dhe realizim të projekteve që sjellin përfitime konkrete për qytetarët.

Forumi u organizua në bashkëpunim me Ministrinë e Vetëqeverisjes Lokale dhe Sekretariatin e Përbashkët për Bashkëpunim Ndërkufitar, me seli në Strugë.
✅ Komuna e Kërçovës do të vazhdojë të angazhohet aktivisht në iniciativa të tilla dhe të mbështesë partneritete që kontribuojnë në zhvillimin dhe përparimin e komunitetit lokal.

/ms