Alternativa, partia më e konsoliduar në Kërçovë

Sa u përket partive politike në Kërçovë nga koalicioni VLEN, Alternativa paraqitet si subjekti më i qëndrueshëm dhe më i organizuar në terren. Kjo dëshmohet edhe përmes emërimit të dy drejtorëve të shkollave, në Gjimnazin “Drita” dhe në SH.M. “Milto Gurra”, çka reflekton funksionalitet institucional dhe strukturë të konsoliduar partiake.

Në anën tjetër, Aleanca për Shqiptarët vazhdon të jetë e ndarë në tre pjesë, pa kryesi të zgjedhura, duke mbetur ende në fazë konsolidimi.
Lëvizja Demokratike e Izet Mexhitit pothuajse nuk ndihet në skenën lokale, ndërsa Lëvizja BESA vazhdon përçarjen mes krahut të Limanit dhe atij të Kasamit.

Sa i përket BDI-së, deri më tani është emëruar vetëm kryetari i degës, ndërsa kryesia ende nuk është formuar.
Ndërkohë, edhe kandidati i pavarur Shkodran Alili, i cili në zgjedhjet e fundit siguroi mbi 4.000 vota, nuk ka bërë ende asnjë lëvizje politike.
Mbetet të shihet në ditët në vijim nëse do të ketë zhvillime dhe rreshtime të reja në skenën politike lokale.

/tvgurra