Ministri Fatmir Limani priti në takim përfaqësuesit e Bankës Botërore

Ministri i Punës dhe Politikës Sociale, Demografisë dhe Rinisë, Fatmir Limani, zhvilloi sot një takim me Carole Megevand, Menaxhere e Bankës Botërore për Kosovën dhe Maqedoninë e Veriut, së bashku me misionin e Bankës Botërore që po qëndron këtë javë në Shkup.

Në fokus të takimit ishte forcimi i bashkëpunimit ndërmjet Ministrisë dhe Bankës Botërore, finalizimi i projekteve në vazhdim si dhe inicimi i projekteve të reja në fushën e mbrojtjes sociale, rinisë dhe zhvillimit gjithëpërfshirës.

Gjatë takimit u theksua progresi i dukshëm në realizimin e Projektit për Administrimin e Sigurimit Social, i cili zbatohet me mbështetjen e Bankës Botërore, si dhe nevoja për vazhdimin e reformave në interes të qytetarëve.

Palët u dakorduan që bashkëpunimi të vazhdojë me përkushtim dhe transparencë, me synim përmirësimin e shërbimeve sociale dhe rritjen e efikasitetit institucional.

/ms