A është dollari i dobët rrezik për Europën ?

Dollari amerikan po vazhdon rënien e vlerës kundrejt monedhave kryesore, duke ndjekur tendencën e vitit 2025, kur humbi rreth 10%. Që nga fillimi i vitit 2026 ka rënë edhe me 2,6% të tjera. Si pasojë, euro ka arritur nivelin 1,20 dollarë për herë të parë që nga viti 2021, ndërsa paundi dhe yeni janë forcuar gjithashtu.

Rënia e dollarit lidhet me mungesën e besimit të investitorëve dhe me politikën e paparashikueshme të presidentit Donald Trump, por edhe me dëshirën e administratës së tij për një dollar më të dobët, që të rrisë konkurrueshmërinë e eksporteve amerikane.

Forcimi i euros ndikon drejtpërdrejt ekonominë e eurozonës: dëmton eksportet europiane, por ul çmimet e importeve. Ekonomistët paralajmërojnë se një euro shumë e fortë mund të frenojë rritjen ekonomike në Europë. Megjithatë, shumica vlerësojnë se ndërhyrja e Bankës Qendrore Europiane nuk është ende e domosdoshme, përveçse nëse euro vazhdon të forcohet ndjeshëm.

/zhurnal