Profesor nga Kërçova Artan Selimi apelon për aktivizimin sportiv të të rinjve

Profesor Artan Selimi u ka bërë apel të rinjve që të merren më seriozisht me sport dhe aktivitete fizike, duke theksuar rëndësinë e frekuentimit të palestrave dhe klubeve sportive.

Sipas tij, pasiviteti fizik dhe koha e tepërt e kaluar në telefon dhe rrjete sociale po ndikojnë negativisht në shëndetin trupor dhe mendor të të rinjve. Ai thekson se mungesa e lëvizjes sjell probleme shëndetësore, humbje të disiplinës dhe izolim social.

Sporti, sipas profesor Artan Selimit, nuk është vetëm aktivitet fizik, por edhe mënyrë jetese që formon karakter, vetëbesim dhe frymë ekipore.
Përmes sportit, të rinjtë mësojnë rregull, përgjegjësi dhe konkurrencë të shëndetshme.

Ai i fton prindërit, institucionet dhe shoqërinë që të mbështesin më shumë iniciativat sportive, duke krijuar kushte dhe motivim për një rini më aktive, më të shëndetshme dhe më të përgatitur për sfidat e jetës.

/tvgurra