SHBA drejt sulmit ndaj Iranit? Aeroplanmbajtëse me mijëra trupa në Lindjen e Mesme ?
Shtetet e Bashkuara kanë rritur praninë ushtarake në Lindjen e Mesme, duke dislokuar aeroplanë luftarakë, sisteme mbrojtëse ajrore dhe aeroplanmbajtës me mijëra trupa, çka ka rritur tensionet me Iranin. Presidenti Donald Trump ka kërcënuar më herët me sulme ushtarake ndaj Teheranit, megjithëse së fundi është tërhequr pjesërisht nga këto deklarata.
Ekspertët thonë se grumbullimi ushtarak dhe stërvitjet amerikane rrisin presionin ndaj Iranit dhe krijojnë opsione për sulme ajrore, por paralajmërojnë për rreziqe serioze rajonale. Irani ka rritur gatishmërinë ushtarake dhe ka kërcënuar me kundërpërgjigje ndaj bazave amerikane dhe Izraelit.
Një konflikt i drejtpërdrejtë SHBA–Iran shihet si i rrezikshëm dhe me pasoja të paparashikueshme, ndërsa ekspertët vlerësojnë se vetëm sulmet ajrore nuk do të çonin në ndryshim regjimi në Iran.
/oranews
