Inovatori i ri Albin Aliu nga Kërçova, do të studiojë në Universitetin Uanderbilt në SHBA

I riu Albin Aliu nga Kërçova, i cili e demonstroi inovacionin e tij për ruajtjen e mjedisit jetësor para presidentit të shtetit Stevo Pendarovski, është fitues i bursës për studim në Universitetin prestigjioz Uanderbilt në SHBA.

“Talentët tanë të rinj, çdo ditë e më shumë, më dëshmojnë se kreativiteti nuk njeh kufij, siç është konfirmuar nga Albin Aliu 18 vjeçar nga Kërçova i cili me projektin e tij arriti të prodhojë letër nga algat e Liqenit të Ohrit”, ka thënë presidenti i shtetit Stevo Pendarovski, pas takimit me Albinin nga fundi i vitit të kaluar në Kërçovë.

Atëherë Albini e prezantoi para Pendarovskit procesin kimik, i cili kontribuon për mbrojtjen e mjedisit jetësor. Sepse, siç thotë Albini, në vend të drurit, të cilat po zvogëlohen çdo ditë, letra mund të ketë dobi edhe në këtë mënyrë.

Ky inovacion tani më është i njohur nëpër tërë botën, sepse Albini e prezantoi këtë projekt vitin e kaluar në Nju-Jork, ku iu nda çmimi i tretë.

Pas suksesit të madh në atë kohë, si dhe dhënien e provimeve ndërkombëtare me rezultate shumë të larta, siç janë SAT, TOEFIL etj, Albin Aliu fitoi bursë për studim në kiminë inxhinierike në Universitetin Uanderbil në SHBA.

Ky është një prej universiteteve më prestigjioze në SHBA, si dhe universiteti me bankë më të madhe për AND në botë.

Në rrugën për përgatitje për aplikim në universitetet amerikane, ai u mbështet nga “Edukejshenusa” dhe “Amerikan korner” në Republikën e Maqedonisë së Veriut. Kjo arritje disa studentëve në shtet, mes të cilëve është edhe Albin Aliu, të cilin e publikoi edhe Ambasada amerikane në Shkup, thotë me krenari për djalin e tij, babai Lulzim Aliu.

/ts