Turneu tradicional “Tuhini 2026” në Zvicër

Turneu tradicional “Tuhini 2026” ishte një ndër aktivitetet e para që hapi kalendarin vjetor të shoqatave kërçovare që veprojnë në Zvicër. Ky aktivitet sportiv, i cili tashmë është shndërruar në traditë, u zhvillua në një atmosferë festive, duke mbledhur rreth vetes sportdashës dhe bashkatdhetarë nga vise të ndryshme.

Turneu u organizua me sukses dhe morën pjesë një numër i madh ekipesh, duke treguar interesim të jashtëzakonshëm dhe nivel të lartë organizimi. Ndeshjet u zhvilluan në frymë sportive, fair-play dhe respekt të ndërsjellë mes ekipeve pjesëmarrëse.

Fitues i turneut “Tuhini 2026” u shpall Shoqata Humanitare Cervica, e cila me lojë të disiplinuar dhe paraqitje të shkëlqyer arriti të sigurojë vendin e parë. Vendin e dytë e zuri Shoqata Greshnica, ndërsa vendi i tretë i takoi ekipit Shqiponja Aranjell.

I gjithë turneu u përmbyll pa asnjë incident, duke dëshmuar edhe një herë pjekurinë sportive dhe kulturën e lartë të pjesëmarrësve. Në fund, të gjithë organizatorë, lojtarë dhe shikues u shprehën të kënaqur me mbarëvajtjen e këtij aktiviteti.

Aktivitete të tilla sportive janë dëshmi e gjallë e bashkimit, solidaritetit dhe ruajtjes së lidhjeve mes mërgatës shqiptare në Zvicër, duke kontribuar njëkohësisht në forcimin e frymës humanitare dhe shoqërore.

/tvgurra