Gjermania po krijon ushtrinë më të fuqishmë në Evropë

Në Francë, rritja e shpenzimeve ushtarake të Gjermanisë shihet njëkohësisht si lehtësim dhe shqetësim. Nga njëra anë, Parisi e vlerëson faktin që Berlini po merr një barrë më të madhe për mbrojtjen e Evropës; nga ana tjetër, ekziston frika se industria gjermane e mbrojtjes mund të tejkalojë atë franceze dhe se qendra e gravitetit politik të Evropës po zhvendoset drejt Berlinit.

Gjermania ka paralajmëruar investime mbi 500 miliardë euro në mbrojtje deri në vitin 2029, duke u kthyer në një forcë ushtarake dominuese në Evropë. Ky ndryshim po prish ekuilibrin tradicional, ku Franca shihej si fuqi gjeopolitike dhe Gjermania si fuqi ekonomike.

Megjithëse NATO e mirëpret këtë zhvillim, në Francë dhe vende të tjera evropiane ka ankth për pasojat politike dhe industriale, veçanërisht në kushtet e rritjes së mbështetjes për të djathtën ekstreme në Gjermani dhe tensioneve mbi projektet e përbashkëta të mbrojtjes evropiane.

/ms