Aktivistja nga Sërbija: Pse ju pengon Albin Kurti? Sepse nuk ka vjedhur ?

Serbia u ka shkaktuar shqiptarëve dhe Kosovës aq shumë të këqija, sa nuk falen kurrë. E megjithatë, ata falin.
— Bojana Vatić, aktiviste nga Novi Sadi – Sërbi

Albin Kurti i pengon pushtetit dhe opozitës nacionaliste serbe sepse nuk ka qenë pjesë e krimeve, pazareve dhe propagandës së viteve ’90. Ai u burgos duke kundërshtuar Millosheviqin, nuk ka “gjalpë në kokë” dhe e quan krimin krim.

Kurti sfidon ëndrrat e “Serbisë së Madhe”, refuzon kompromiset e kalbura, mbron Kushtetutën e Kosovës dhe ndërton një shoqëri multietnike, demokratike dhe paqësore. Ai kërkon përgjegjësi për krimet e Serbisë në Kosovë dhe dëmshpërblim për dëmin e shkaktuar.

Ndryshe nga nacional-shovinistët, Kurti shtrin dorën e pajtimit, pa relativizuar krimet dhe pa u barazuar me Vuçiqin — sepse nuk janë të njëjtë.

Shqiptarët duan paqe dhe të ardhme, pavarësisht dhunës së përjetuar. Përballë kësaj, Serbia dhe shoqëria e saj duhet të përballen me të vërtetën, të marrin përgjegjësi dhe të kërkojnë falje të sinqertë.
Mbështetje e plotë institucioneve të Kosovës në ndërtimin e demokracisë.

/ms