Gjuetia Tuhi një ndër grupet më fuqishëm
Një ndër grupet më të fuqishëm i gjahatarëve në Maqedoninë e Veriut është grupi “Gjuetia Tuhin”, i cili udhëhiqet nga kryetari i saj Faton Ademi dhe numëron 32 anëtarë aktivë në shoqatën Eko Fazan . Ky grup është i përgatitur në mënyrë profesionale dhe vepron gjithmonë duke iu përmbajtur rregullave të natyrës dhe sportit të gjahut.
Të jesh gjahatar nuk do të thotë vetëm të dalësh në gjueti, por të kesh disiplinë, përgjegjësi dhe vetëdije të lartë. Gjahatari i vërtetë respekton ligjin, ruan ekuilibrin e natyrës dhe tregohet gjithmonë i kujdesshëm ndaj bashkëgjahatarëve dhe mjedisit.
Grupi Gjuetia Tuhin posedon:
Shtëpinë e Gjahatarëve në fshatin Tuhin
Mbi 13 zagarë të trajnuar profesionalisht dhe
5 automjete që i shërbejnë drejtpërdrejt aktiviteteve të grupit.
Shoqata Eco Fazan është institucioni që u shërben grupeve të gjahatarëve, duke ndarë territorin e gjuetisë, duke ofruar organizim, si dhe duke garantuar siguri dhe mbarëvajtje ligjore për gjahatarët.
Gjahatarët janë rojtarë të natyrës, jo shkatërrues të saj. Ata kontribuojnë në:
• ruajtjen e balancës së faunës së egër
• parandalimin e dëmeve në bujqësi nga shtimi i pakontrolluar i kafshëve të egra
• trashëgiminë e traditës shekullore të gjahut
• forcimin e miqësisë, besimit dhe solidaritetit mes anëtarëve
Gjuetia, kur bëhet me rregulla dhe etikë, është sport, kulturë dhe përgjegjësi, jo dhunë ndaj natyrës.
/tvgurra
