Austria ristrukturon kontrollet kufitare !

Austria po ndryshon menaxhimin e kufijve duke kaluar nga pikat statike të kontrollit në kontrolle më fleksibile brenda zonës kufitare, për shkak të rënies së arrestimeve. Si pasojë, pritet ulje graduale e numrit të ushtarëve në kufi, aktualisht 510 në Burgenland, ndërsa mbrojtja synohet të bëhet më efektive.

Qeveria thekson se reduktimi do të jetë i përshtatur me situatën dhe se ndihma ushtarake do të vazhdojë. NEOS e cilëson këtë hap historik, ndërsa FPÖ dhe SPÖ në Burgenland e kritikojnë, duke paralajmëruar rreziqe për sigurinë.

Kontrollet kufitare me Çekinë, Sllovakinë, Hungarinë dhe Slloveninë zgjaten deri në qershor, por me më pak pika fikse dhe më shumë kontrolle të lëvizshme, të mbështetura nga teknologji si dronë, helikopterë dhe kamera termike.

/ms