Parisi digjet ! Kush po e shkatërron Francën ?

Franca prej kohësh është përfshirë nga protesta të vrullshme dhe të ethshme që kanë mbërthyer të gjithë vendin. Në Paris situata paraqitet dhe më e përkeqësuar, pas akteve vandale të ndodhura në qendër të kryeqytetit.

Ministria e Brendshme e Francës raporton se afro 270 mijë persona kanë qenë pjesëmarrës në 200 tubime të organizuara në mbarë vendin.

Në këto shifra nuk përfshihet kryeqyteti francez, ku kujtojmë se protestat dhe marshimet shpërthyen më vonë se në Lyon apo Bordeaux (Bordo) apo qytetet e tjera të mëdha.

Tensionet dhe incidentet nuk janë ndaluar as këto ditët e fundit, ku qindra mijëra qytetarë janë “derdhur” nëpër rrugët dhe sheshet e Parisit, në formën e një revolucioni të vërtetë. Sindikatat vazhdojnë të shprehen se nuk zmbrapsen dhe tubimet do të vazhdojnë të mbarëvahen rregullisht, duke bërë që Franca të mos gjejë qetësi.

/ts