Gjithçka që ndryshon në jetën në Zvicër nga viti 2026 ?

Viti i ri sjell disa ndryshime të rëndësishme në Zvicër. Guy Parmelin është zgjedhur sërish president për vitin 2026, në kuadër të rotacionit vjetor të Këshillit Federal.

Nga 1 janari, primet e sigurimit shëndetësor rriten mesatarisht me 4.4 përqind, me rritje më të larta në disa kantone si Ticino, Valais dhe Cyrih. Po ashtu, vinjeta e re e autostradave duhet vendosur deri në fund të janarit; ndryshe, nga 1 shkurti parashikohet gjobë 200 franga.

Ndjekja (stalking) do të konsiderohet vepër penale, me dënim deri në tre vjet burg. Policia do të modernizojë sistemin Ripol, duke përfshirë kategori të reja për përshkrimin e shkelësve.

Blerësit e pronave do të kenë më shumë mbrojtje, pasi afati për raportimin e defekteve zgjatet në 60 ditë. Disa vaksina të rekomanduara nuk do të kenë më bashkëpagesë, me synim rritjen e vaksinimit.

Regjistrimi i automjeteve do të digjitalizohet më tej dhe pagesa e gjobave të CO₂ do të jetë kusht për regjistrim.

/ms