Pse çmimi i argjendit ka arritur një nivel rekord?

Çmimi i argjendit ka arritur një rekord të ri përpara uljes së pritur të normave të interesit nga Rezerva Federale e SHBA-së dhe falë kërkesës së lartë nga industria e teknologjisë. Të martën, argjendi kaloi për herë të parë 60 dollarë për ons në tregun spot. Edhe ari ka shënuar fitime këtë javë, pasi investitorët zakonisht i kthehen metaleve të çmuara kur normat e interesit bien dhe dollari dobësohet.

FED pritet të ulë normën kryesore të interesit, gjë që zakonisht shton kërkesën për asete si argjendi. Ekspertët thonë se rritja e çmimit lidhet edhe me kërkesën në rritje nga sektori teknologjik, e cila ka tejkaluar furnizimet. Argjendi përdoret gjerësisht në panele diellore, automjete elektrike dhe pajisje të tjera, duke bërë që vlera e tij të jetë më shumë se dyfishuar këtë vit.

Rritja e çmimit ndikohet gjithashtu nga shqetësimet për tarifa të mundshme amerikane dhe grumbullimi i argjendit në SHBA, që ka shkaktuar mungesa globale. Me furnizime të vështira për t’u rritur shpejt, analistët presin që çmimi të mbetet i lartë edhe në muajt e ardhshëm.

/alsatm