Zvicër: Kirurgu Kërçovarë Dr. Përparim Limani, shpallet Personalitet i Shëndetësisë në “Alb Gala”

Dr. Përparim Limani, kirurgu nga Kërçova që drejton Klinikën e Kirurgjisë Viscerale në Kantonsspital Aarau, u nderua si Personaliteti i vitit në Shëndetësi në AlbGala 2025, një nga ngjarjet më prestigjioze të komunitetit shqiptar në Zvicër. Ai ka një karrierë të shkëlqyer në kirurgjinë abdominale dhe onkologjike, duke kryer procedura komplekse dhe duke kontribuar në zhvillimin e metodave të avancuara kirurgjikale në Zvicër.

Ceremonia bashkoi diplomatë, politikanë, filantropë, artistë, sportistë dhe personalitete të shquara të biznesit, kulturës dhe artit, duke përfshirë Lorik Canën – Ambasador i Kulturës dhe Sportit. Në fushën e kulturës, çmimin e dorëzoi violinisti i Filarmonisë së Vjenës, Shkëlzen Doli, për Elina Dunin – e shpallur Personalitet i vititbnë këtë fushë.

Çmimi për Dr. Limanin, vlerëson arritjet e tij profesionale, kontributin në mjekësinë moderne dhe rolin e tij si mentor për mjekët e rinj. Përkushtimi i tij, ekselenca në kirurgji dhe ndikimi pozitiv në komunitetin mjekësor shqiptar e bëjnë atë një model frymëzimi për brezat e ardhshëm të mjekëve në Evropë dhe më gjerë.

/ms