Përkujtim për themeluesin e RTV Gurra z. Mustafa Ahmeti

Sot, në 5-vjetorin e ndarjes së tij fizike nga jeta, kujtojmë me nderim dhe mall Mustafa Ahmetin, themeluesin e radiotelevizionit të parë privat në Maqedoni – RTV Gurra. Ai ishte një vizionar që i dha zë komunitetit, një njeri i drejtë, besnik dhe i përkushtuar ndaj atdheut.

RTV Gurra, në atë kohë, ishte një dritare shprese dhe një forcë udhëheqëse për shqiptarët. Ishte promoter dhe iniciator i thuajse çdo ngjarjeje apo nevoje të komunitetit, duke bashkuar e fuqizuar njerëzit në momentet më të rëndësishme.

Mustafa Ahmeti la gjurmë të pashlyera edhe si kryetar i SHKA “Xha Rexha” në Zajaz, kryetar i klubit të futbollit Vëllazërimi, si dhe për më shumë se 10 vite si organizator i Turneut Tradicional të Futbollit të Vogël “Gurra”. Kudo ku veproi, la gjurmë respekti dhe vepra që flasin ende.

Njerëzit me vepra nuk vdesin kurrë – ata vetëm largohen fizikisht, por kujtimi dhe kontributi i tyre mbeten përgjithmonë në zemrat tona.
Pusho në paqe në botën e përhershme
Lavdi jetës dhe veprës tënde.

/tvgurra