Urime: Kërçovari Kushtrim Lika asistent kryesor në ndeshjen prestigjioze

Arbitri me përvojë nga Kërçova, Kushtrim Lika, është zyrtarisht i emëruar si asistent kryesor në ndeshjen prestigjioze evropiane të “play-off”-it mes ekipeve të të rinjve të Nant dhe Makabi Haifa deri në 19 vjeç.

Ndeshja do të zhvillohet në stadiumin e Nantit, më 10 dhjetor 2025 në Francë dhe ka rëndësi të madhe pasi fituesi siguron kualifikim në fazën e ardhshme të garës elitare evropiane. Gjyqtari kryesor do të jetë Christos Vergetis.

Dueli i parë u zhvillua në “Gyirmót / Gyirmóti” në Hungari dhe përfundoi me fitoren minimale të Makabi Haifa me rezultat 1:0, çka e rrit edhe më shumë pasigurinë para ndeshjes së kthimit në Francë. Lika do të ketë një detyrë të rëndësishme – të kontribuojë që ndeshja të zhvillohet në atmosferë të drejtë dhe sportive, ashtu siç e kërkon skena evropiane e futbollit.

– “Çdo gjykim ndërkombëtar për mua është një sfidë e vërtetë dhe nder. Është një njohje për punën time dhe një motivim që vazhdimisht të përmirësohem. Veçanërisht prestigjioze është ndjesia kur merr përsipër arbitrazhin e ndeshjeve që ndiqen nga e gjithë Europa e futbollit”, tha Lika për Porta.mk në prag të kësaj ndeshjeje të madhe.

Emërimi për një ndeshje të këtij niveli edhe njëherë konfirmon se gjyqtarët e futbollit nga Maqedonia po ecin me sukses drejt majave evropiane, duke përfaqësuar me dinjitet si veten, ashtu edhe vendin e tyre.

/porta.mk