Urime: Trajneri i KF Uskana Kërçovë, Fatmir Imeri, emërohet zëvendës-seleksionues i Maqedonisë U20

Puna dhe përkushtimi asnjëherë nuk të tradhtojnë — dhe sot këtë e dëshmon trajneri dhe profesori ynë, Fatmir Imeri, i cili është emëruar zëvendës-seleksionues i reprezentacionit të Maqedonisë U20.

KF Uskana Kërçovë, tetë vite më parë, aktivizoi shkollën e futbollit për të gjitha ekipet zinxhir, duke përfshirë grupmoshat nga 6 deri në 18 vjeç. Si rezultat i kësaj pune të palodhur, sot klubi përfaqësohet me 14 gjenerata, të cilat garojnë në:

Ligën e Fëmijëve
Ligën e Pellagonisë
Ligën Perëndimore të Maqedonisë
Ligën e Kadeteve për vajza
Rritja e vazhdueshme e klubi dhe sukseset e gjeneratave tona kanë sjellë edhe këtë vlerësim të madh për trajnerin Imeri.

Nesër, të martën më 03.12.2025, reprezentacioni i Maqedonisë U20 përballet në Vaduz me Lihtenshtajnin — dhe ne jemi krenarë që pjesë e këtij rrugëtimi është edhe trajneri ynë.
KF Uskana Kërçovë i uron Fatmirit punë të mbarë dhe shumë suksese me reprezentacionin U20!

/tvgurra