Tv Gurra: Ali Ahmeti i pranishëm në Garanë
Ali Ahmeti i pranishëm në Garanë në inaugurimin e monumentit të Skënderbeut, u prit me duartrokitje të fuqishme.
Bashkë me luftëtarët pjesëmarrës të Garanës, ai kishte privilegjin të zbulojë bustin e heroit kombëtar.
Sot, në fshatin Garanë të Kërçovës, në Ditën e Flamurit Kombëtar, u përurua shtatorja e Gjergj Kastriotit – Skënderbeut, simbol i përjetshëm i lirisë, qëndresës dhe krenarisë shqiptare.
Ky moment historik u zhvillua pikërisht në ditën kur zemrat tona rrahin më fort për kuq e zi, duke na kujtuar rrugën e sakrificës, besës dhe heroizmit që na solli deri këtu.
Më herët gjatë ditës u zhvilluan homazhe pranë monumentit të Nënës Shqiptare në Zajaz – një monument që mishëron sakrificën, përkushtimin dhe dashurinë e pafund të nënave shqiptare, që kanë mbajtur gjallë familjen, kulturën dhe kombin ndër shekuj.
Ky nderim i dyfishtë, për heroin dhe nënën, na kujton se liria jonë është një trashëgimi e shenjtë, e ndërtuar nga sakrifica e burrave dhe grave që dhanë gjithçka për të ardhmen tonë. 🇦🇱
/tvgura
