Kërçovari Drin Jusufi pjesë e përfaqësueses amerikane në kampin ndërkombëtar të futsalit në Kroaci

Një tjetër sukses për sportistët me prejardhje nga Kërçova!
Drin Jusufi, talenti i ri i rritur në Shtetet e Bashkuara të Amerikës, do të jetë pjesë e kampit ndërkombëtar të futsalit që po zhvillohet në Prelog të Kroacisë, nga data 21–29 nëntor.

Drini do të përfaqësojë skuadrën amerikane (USA Futsal Selection) në ndeshjet miqësore që do të zhvillohen kundër përfaqësueseve të Kroacisë U15 dhe Sllovenisë si dhe me ekipat e Varazhdinit dhe Dinamos se Zagrebit. Përfshirja e tij në këtë organizim prestigjioz vlerësohet si një arritje e madhe personale dhe një krenari për komunitetin kërçovar në diasporë.

Ky kamp, i organizuar nga Federata Kroate e Futbollit (HNS), shërben si një arenë zhvillimi për talentet e reja ndërkombëtare, ku Drin Jusufi do të ketë mundësinë të tregojë aftësitë e tij përpara trajnerëve elitarë dhe përfaqësuesve të ekipeve kombëtare.
Urime Drinit për këtë hap të rëndësishëm në karrierë — Kërçova dhe diaspora shqiptare në Amerikë janë krenare për të!

/tvgurra